Чаго не хапае

Агульныя правілы ўліку: хто вядзе запісы, як пацвярджаецца іх дакладнасць, што робіць арганізацыя ўліку і за што яна адказвае перад заводчыкам.

Як зараз. Ролі, правы доступу і журнал змен па кожным запісе. Верыфікацыя запісаў Асацыяцыяй — асобны паток заявак.

Улік малочнай прадукцыйнасці: схемы кантрольных доек, інтэрвалы паміж імі, разлік лактацыі, абазначэнне метаду (A4, B4 і іншыя), абыходжанне з прапушчанымі кантролямі.

Як зараз. Кантрольныя дойкі з датай, надоем, тлушчам, бялком і саматыкай; лактацыя лічыцца з іх, а не ўводзіцца лічбай. Метад кантролю запісваецца пералікамі стандарту: хто здымаў паказанні, якія дойкі ўвайшлі, як і калі ўзята проба, — і звыклае абазначэнне A4 ці B4 збіраецца з іх, а не захоўваецца радком. Праверкі ловяць разрывы ў радзе доек і лактацыі без абавязковых паказчыкаў.

Праца з генатыпамі: пацвярджэнне і ўдакладненне паходжання, абмен генатыпамі паміж арганізацыямі, патрабаванні да лабараторый.

Як зараз. ДНК-тэст з лабараторыяй, датай, метадам і вынікам пацвярджэння паходжання; разыходжанне з запісанымі бацькамі трапляе ў праверкі.

Ацэнка экстэр’еру: лінейныя прыкметы на дзевяцібальнай шкале, зводныя ацэнкі па стабальнай, патрабаванні да ацэншчыка і да паўтаральнасці ацэнак.

Як зараз. Лінейная ацэнка па прыкметах 1–9, зводныя ацэнкі 50–100 і ацэнка маладняку. У кожнай ацэнкі запісаны ацэншчык і дата. Шаснаццаць лінейных прыкмет і чатыры зводныя адлюстроўваюцца ў наменклатуру ICAR пры абмене па ADE.

Улік асемяненняў і перасадак эмбрыёнаў, разлік паказчыкаў узнаўлення: сервіс-перыяд, міжацёльны перыяд, індэкс асемянення.

Як зараз. Асемяненні з быком, дозай, тэхнікам і вынікам; сервіс-перыяд і міжацёльны лічацца з падзей. Праверкі ловяць занадта кароткі міжацёльны перыяд і асемяненне раней за ацёл.

Функцыянальныя прыкметы: здароўе вымені, лёгкасць ацёлу, захаванасць прыплоду, даўгалецце — што менавіта запісваць і як гэта кадзіраваць.

Як зараз. Саматыка па кантрольных дойках, лёгкасць ацёлу, жывы і мёртвы прыплод, выбыццё з датай і прычынай.

Генетычная ацэнка малочнай жывёлы: з чаго складаецца пляменная каштоўнасць, як лічыцца дакладнасць, як публікуюцца вынікі і база параўнання.

Як зараз. Індэкс пляменнай каштоўнасці з профілямі вагаў, дакладнасцю па кожнай прыкмеце і па індэксе ў цэлым, з версіяй базы параўнання побач са значэннем. Рэйтынг па кнізе публікуецца паіменна.

Абмен данымі паміж сістэмамі: слоўнікі, фарматы, схемы. Сучасная лінія — адкрыты стандарт ADE на JSON і REST, спецыфікацыя ляжыць на GitHub пад Apache 2.0.

Як зараз. Абмен з ФГИАС ПР па дваццаці шаблонах рэестра — выгрузка і зваротная загрузка. Уласны REST-інтэрфейс кнігі. Аддача 14 калекцый ADE па адрасах са спецыфікацыі (animals, test-day-results, parturitions, inseminations, type-classifications, weights, breeding-values, arrivals, departures, deaths, pregnancy-checks, milking-visits, daily-milking-averages, diagnoses). Прыём POST па 7 з іх (test-day-results, parturitions, inseminations, weights, milking-visits, diagnoses, breeding-values) з распазнаваннем паўторнай адпраўкі па пары «крыніца і яе нумар запісу», парадковым адказам icarBatchResult і адмовамі ў выглядзе icarErrorResource. Тое, што аддаецца, звяраецца са сапраўднымі схемамі з рэпазіторыя adewg/ICAR, а не з нашай копіяй пералікаў. Адбор выбаркі — імёнамі самога стандарту: meta-modified-from і meta-modified-to па даце запісу, date-from і date-to па даце падзеі, пара animal-id з animal-scheme па жывёле; незразуметыя параметры называюцца ў загалоўку адказу, а не адкідваюцца моўчкі. Жывёлы, ацэнка экстэр’еру, пляменная каштоўнасць і перамяшчэнні на запіс закрыты наўмысна: запіс жывёлы і пераход правоў — сцвярджэнні, за якія адказвае Асацыяцыя, і яны ідуць заяўкай з праверкай, а не радком у патоку абмену; кожнай адказваецца 405 з тлумачэннем.

Праца пародных асацыяцый і вядзенне пляменных кніг: правілы запісу жывёлы ў кнігу, раздзелы кнігі, патрабаванні да паходжання і да сяброўства.

Як зараз. Вядзенне кнігі, сяброўства гаспадарак, выпуск пляменных пасведчанняў, разбор заявак, верыфікацыя запісаў.